Receta Cocina: Pishkado al prishil

La receta en Ladino:::::::::::

PISHKADO AL PRISHIL
(Pescado al Perejil)

Materiales (4 Porciones)
1 kilo de pishkado
1 kucharada de prishil pikado
2 o 4 tomates bien echos
1/2 Kucharika de asukar
1 limon
azeyte
sal i pimienta a gusto

Preparacion
Kitar el kuero de los tomates, meterlo en un tendjere kon la azeiyte, los tomates i el prishil kortado minudo.
Despues de adjustar la asukar y el sumo del limon ansi ke la sal i la pimienta a gusto, i meter sovre la lumbre. Kuando el tomate se aze como pure, menguar el fuego y aresentar el pishkado kortado en presas.

Deshar koser a fuego basho diez minutos, aboltar las presas y kozer otros diez minutos

Se kome kaente o yelado.
Tendjere: Olla
Prishil: perejil
adjustar: Agregar
Sumo: Jugo
Meter sovre la lumbre: poner al fuego.
Menguar: Bajar, disminuir
Aresentar: Colocar
Deshar Koser: Cocinar
Basho: Bajo
Aboltar: Dar vuelta